गजल - "अरु लडाई..."

अरु लडाई अघि जानेको भावना कस्तो ?
जति आर्जियो त्यति नपुग्ने चाहना कस्तो ?

सोचौँ त केही म मरि गए राष्ट्र त बाँच्छ
भनेर लड्ने ती शहिदको सपना कस्तो ?

बनको चरी हेरेर मैले सिक्नु छ केही
बाँच्नको लागि कठिनाईको सामना कस्तो ?

भन्दथ्यो उस्ले आँटेर अब क्यै गरि छाड्छु
साँच्चैनै होला हेरौं न उस्को साधना कस्तो ?

करुणा जागी रसाए आँखा पापीको पनि
ठालुको सामु त्यो निर्बलको वन्दना कस्तो ?


आनन्द भट्टराई 'गाउँले'
खोटाङ