शीशाझैँ फुटेको छ मेरो छुट्टै प्रेम कहानी ।
पात भै झरेको छ मेरो छुट्टै प्रेम कहानी ।
उदायो चाँदनी अस्ताइन् उनी बाचा गरेर
सोचेथें पालुवा ओइलाई त्यसै झर्यो सुकेर
वेदना लेखेको रहेछ मेरो वियोगी भाग्य
यो गीतै काफी, भैगो लेख्दिन म कुनै काव्य
शीशाझैँ फुटेको.......................................
के जादु थियो र अल्झिन पुगेँ त्यहि फूलमा
विवश भै आज विध्यारानीको दिएँ उपमा
सिर्सिरे वतास आएछ आज झझल्को लिएर
एक थुङ्गा फूल गुमेको पल ती आँशु पिएर
शीशाझैँ फुटेको........................................
आनन्द भट्टराई 'गाउँले'
खोटाङ