दर्शी ढुङ्गा र चक्मकको के काम नभए झुलो ।
ए राष्ट्रपाले ढुकुटी चुहिने कहाँ छ दुलो ?
बौलायो भने बौलाहाहरूले मलाइ उल्टै
भनेथेँ मैले आत्मा त हुन्न नी सानो र ठुलो ।
भन्छ रे उस्ले अध्यारो पार्दिन्छु संसारै मेरो
तर हे दैव उस्को चैं आँखामा नपरोस् फुलो ।
उडेर गयो मनको आशा त निराशा भइ
जसरी उड्छ चैतको मासमा धर्तीको धुलो ।
नबसौं फाल्तु बढेर कुरिती हरायो न्याय
कहाँ छ खोजौँ जनताको लागि राष्ट्रको तुलो ।
आनन्द भट्टराई 'गाउँले'
खोटाङ
No comments:
Post a Comment