गजल 'अझै सम्म..."

अझै सम्म किन हामि जङ्गल भित्रै बाँचीराछौं ।
गन्नलाई मकै गेडी दश औँला भाँचीराछौं ।

समकक्षी मानवले बस्ती सारे चन्द्रलोक
हामि अझै खरबारीको चप्लेटीमै नाचिराछौं ।

धर्मलाई अध्यात्ममा ढाली सक्यो बिज्ञानले 
हामि भने मन्त्र जप्ने संस्क्रितीमै हाँसिराछौं ।

सवै मन सवै तन उस्तै मान्छ दुनियाँले
हामि फेरि हामी भित्रै ठुलो सानो जाँचीराछौं ।

कुरितीले संधै थाप्लो किच्दा पनि किन हामि
जिन्दगीनै हैन जस्तो जिन्दगानी साँचीराछौं ।


आनन्द भट्टराई 'गाउँले'
खोटाङ