नयन मेरा अडिए सानी चौबन्दी चोलीमा ।
नशा छ कस्तो भुतुक्कै पार्ने मोहनी बोलीमा ।
नशा छ कस्तो भुतुक्कै पार्ने मोहनी बोलीमा ।
हिमाली चिसो पानीमा खेल्दै हुर्केकी अबला
हेर्दैमा लाग्छ अप्सरा हौ की दौंतरी टोलीमा ।
ग्यान्था र चुवा चम्पा चमेली लाग्दछ तिमी हौ
स्वीकार भए आग्रह मेरो लान्थेंनी डोलीमा ।
प्रकृतिलेनै सिँचेर हो की सदैव रसिली
लाँदैछु आज सम्झना मिठो यो मनको झोलीमा ।
भाग्यमा भए आउँला फर्की सम्झेर अर्को साल
नभन्नु बरै लाहुरे जीवन छ एकै गोलीमा ।
आनन्द भट्टराई "गाउँले"
No comments:
Post a Comment