गजल - "जीवन"

खुशीको   क्षण  नसकिदै,  ओइली   झर्ने  कस्तो  जीवन ?
सुखमा  पनि  दु:खको गीत, गाई मर्ने कस्तो जीवन ?

दैव   लाग्दा    आफूलाई,  अरु सामु तेर्सिएर रुन्छ यो
सधैं    पराइको   आँशुमाचैँ,   हाँसो  छर्ने  कस्तो जीवन ?

सुन्दर   भावनामा    प्रकृतिको,  बहुमुल्य निधी जस्तो
तर  यथार्थमा   विनाभाव,   आफै   टर्ने   कस्तो  जीवन ?

रित्तो हात आउँछ यो, अनी भन्छ यो विश्व मेरोनै हो
सास    रहुन्जेल   घमन्डकै,  घैला   भर्ने  कस्तो जीवन ?

ठटैमा    वाल्यकाल   र   वैँस,    अनी   सिधै  बुढेसकाल
जिउनुको    स्वादनै   नपाई,   वित्नु   पर्ने कस्तो जीवन ?


आनन्द भट्टराई "गाउँले"