गजल - 'ख्याल ख्यालै'

ख्याल ख्यालै यो आँखाको नानी भयौ तिमी आज ।
जवानी यो रुझाउँने पानी भयौ तिमी आज ।

गोरेटोमा सुरु भा'को सुक्ष्म थियो तिम्रो प्रेम

सयौँ जूनी माया दिने दानी भयौ तिमी आज ।

मेरो लागि लोक भन्दा हितकारी गुणकारी

नरित्तिने अनन्त यो खानी भयौ तिमी आज ।

भावनाको कुरा गर्दा लजाएर मुख छोप्थ्यौ

हिंजै लाग्छ मुटु साट्या बानी भयौ तिमी आज ।

छरिएका नयन यी एकोहोरो पारिकन

यो मनको मझेरिमा रानी भयौ तिमी आज ।

आनन्द भट्टराई "गाउँले"

Note:- Created on the basis of GHAYAL's Tarahi Musayara Part 12.