गजल - 'के को चासो'

तिर्खाएर आँत मेरो जलेपछी के को चासो ।
भञ्ज्याङमा एक्लै पारी छलेपछी के को चासो ।

प्रित रोपी सजाएको फुलबारी डढेपनी
तिम्रो प्रित उतै तिर फलेपछी के को चासो ।

एकान्तमा आँशु झर्दा क्षितिजमा लुक्यौ सधैं
विना साथ यो जिन्दगी ढलेपछी के को चासो ।

तिमी गयौ डाँडा काटी म एक्लै छु डाँडा वारी
सम्बन्धमा शितहुरी चलेपछी के को चासो ।

हेर्दाहेर्दै खुशीहरु रित्तिएर भित्रभित्रै
आँशु बगी पिडाहरु गलेपछी के को चासो ।


आनन्द भट्टराई "गाउँले"

Note :- This creation is created on the basis of GHAYAL's Tarahi Musayara part 11 .