सम्पुर्ण अग्रज सर्जकहरु, समकालिन मित्रहरु अनी दाजु भाई दिदि बहिनिहरुमा नव बर्ष २०६८ को हार्दिक मङ्गलमय शुभकामना टक्र्याउंदै कोसेली स्वरुप यो गजल लिएर आएँ स्विकारिदिनु होला :-
नयाँ बर्ष नयाँ कर्म संगै शुरु गरौं सबैले ।
मात्रित्व र भात्रित्वको बिज अब छरौँ सबैले ।
खोज्न थालौं कर्म रेखा मिली जुली चेली माइती
फोस्रिएमा इच्छा शक्ति नवरस भरौं सबैले ।
भित्रिएका यो बर्षमा उन्नतिका लहरहरु
अभिभारा हाम्रै हुन बोकी गंगा तरौँ सबैले ।
कामनाले भेटिदैन इच्छाएका प्रगतीलाई
कर्तव्यमा लीन भइ एक चोटि मरौं सबैले ।
माता पिता सन्ततिझैँ रमी एकै धुरी मुन्तिर
लेक हुँदै शान्ति लिई औल तिर झरौँ सबैले ।
आनन्द भट्टराई "गाउँले"
No comments:
Post a Comment