पूर्ण समर्पण आज दर्शायो तिम्रो चिठ्ठीले ।
हर्षको प्याला साँच्चै बर्सायो तिम्रो चिठ्ठीले ।
विछोडिदाको वेदना खपी दुखेको मेरो
घाइते मुटु सद्दे बनायो तिम्रो चिठ्ठीले ।
कोपिला थियौ फुलेछौ ऐले बास्ना फैलाई
कता हो कता उमङ्ग छायो तिम्रो चिठ्ठीले ।
जवानी साँची मायाले डाक्दा यो र्हिदयमा
आशाको नयाँ दियो सल्कायो तिम्रो चिठ्ठीले ।
आउँछु फर्की सजाइ राख हाम्रो चौतारी
नौलो बिहानी बाटो खुलायो तिम्रो चिठ्ठीले ।
आनन्द भट्टराई 'गाउँले'
खोटाङ